麥美恩親自設計手語　扮江嘉敏朱智賢動靜惹爆笑

無綫賀歲劇《黃金萬両》昨晚（24日）講麥美恩（Mayanne）自食其果，誤服符水搞到失聲，以誇張肢體動作加上搞笑表情演繹的她指非常過癮，戲中的手語全是她設計：「其實唔難演，因為擺明係玩嘢，大家合作咗個幾月，已經好了解大家嘅性格同小動作，我自己諗咗一堆動作，去到現場再做畀佢哋三兄弟睇，睇吓佢哋畀咩反應，將最好笑嘅演晒出嚟，佢哋最鍾意我扮江嘉敏同朱智賢啲動靜！」

講到與曹永廉合作，指默契十足，她說：「今次係第二次合作，上次《痞子殿下》佢係我情敵，今次就有感情線，夫妻嘅感覺好靠佢去Lead，佢做啲小男人真係好似，啲笠水怕老婆樣好好笑。」

至於，今晚年初四一集，將繼續跟足傳統「迎財神」，萬家三兄弟齊齊化身財神派利是。子恆受表示拍攝扮財神場口非常辛苦：「嗰套財神衫好有質感，好似棉胎咁，拍嘅時候又喺正中午，加上有少少動作戲，真係近乎去到中暑嘅邊緣，因為小拍喜劇，都覺得樂趣多過辛苦。」講到消暑良方？子恆笑言：「就係一把風扇唔夠就兩把，兩把唔夠就三把，再頂唔順就要黐退熱貼！」