王菲成功搣甩「港普」 古佩玲獻出螢幕初吻

2023年01月25日 21:01
東網電視
更多新聞短片
前港姐王菲、古佩玲及吳天佑分屬同一經理人,日前齊齊拍攝賀年照,去年初嘗出埠拍劇的阿菲,指此行最大得著是搣甩「港普」,現時已說得一口流利國語,不過面對於40度高溫下開工,她不諱言苦不堪言:「我要帶假髮,指完場戲成條頸都係汗,好似去咗個蒸爐咁。」屬鼠的她透露兔年犯太歲,故已買定全新紅色服裝沖一沖,還準備攝太歲保佑健康。談到新年習俗,阿菲表示會打麻雀:「年年都打到凌晨3、4點,今年年廿幾已開始打,已經由舊年做『魚腩』輸錢,到今年開始贏錢,同埋聽講喺年三十晚一直數錢,數到踏入年初一,寓意嚟緊一年都數唔晒啲錢。」談到甩拖一段時間,阿菲直言對拍拖一事隨緣,現時享受單身日子。
而古佩玲則透露去年工作很充實,既拍處境劇,又有幸於《羅密歐與祝英台》演年輕版陳茵媺,當中更挑戰一人分飾兩角,兼且獻出螢幕初吻,故期待劇集播出。屬兔的她將犯太歲,古佩玲苦笑指還未等及大年初一,不如意事已應驗:「之前急性腸胃炎入咗醫院,同埋舊年身體唔係幾好,希望新一年健健康康,我都會去攝太歲同買好多紅色衫沖喜下!」至於吳天佑就表示去年豁出去參加《全能司儀選拔大賽2022》,雖然最後未能晉級,但對他來說是一張成績表:「呢個比賽睇到自己不足,新一年會鞭策自己要加倍努力,同埋希望可以入劇組嘗試拍劇。」