王賢誌約「仔仔」食開年飯大派利是公布大計

2023年01月26日 09:02
東網電視
更多新聞短片
由王賢誌(Vinci)監製的男同志配對真人騷節目《仔仔一堂》反應熱烈,Vinci去年自組娛樂公司,簽下12位仔仔為旗下藝人,年初四Vinci以老闆身份召集仔仔們一同吃開年飯,席間大派利是,十分高興,他透露有2位仔仔不在港缺席,唯一在真人騷配對成功的情侶Ray和Kenny拍拖亮相放閃。問到其他做不成情侶的仔仔見面會否尷尬時,Vinci認為約會過發覺不適合,做不成情侶也可以做朋友,不擔心影響感情。
提到仔仔中人氣最高是「翻版王浩信」Louis,早前已率先跑出亮相美酒活動任嘉賓,Vinci透露仔仔未必全部想做藝人,會按其意願安排工作,他除了做經理人外,同時會負責製作,「想拍微電影和BL劇《Boy's Love》,希望帶佢哋走遠啲。」
另外,他同時公布好消息,仔仔們首本的寫真集《PRIDE in ACTION BOYSCATION》已完成,收益會撥捐慈善用途,由於撞正農曆新年假期,原定2000本,暫時只印製了幾百本,待假期後才舉行簽名會,寫真集中不乏騷肌照,屆時一班仔仔會親身簽名會,與粉絲見面時一齊揭盅。對於現時旗下全男班,將來可會簽囡囡?「暫時係仔仔,因為我唔熟識女女,未必做到,可能要搵適合嘅人幫手,好多人問我會唔會拍女版,或者仔仔一堂Season 2,要再從長計議,或者唔止喺香港拍,會加入其他地方嘅仔仔。」他透露現時逢周一都會夥拍幾位仔仔在網上開Live,與觀眾分享感情問題,及玩遊戲互動,現時每次直播都吸納幾萬人收睇,現時最大難題是直播沒有字幕,令部份不諳廣東話的內地粉絲不明所意。