Edan生痱滋痛不欲生　自毀形象跪地反白眼

當紅男團MIRROR成員Edan最近剛剛由巴黎出完Trip返港，唔知係咪玩完一排加上要適應時差，佢就喺社交平台透露自己生痱滋，專登搵埋阿妹拍低佢搽痱滋藥膏片，片中佢再現驚人搞笑特質，拋開偶像包袱，Edan表情誇張多次反白眼，最後更「倒地不起」，又自稱係「第26屆爵安影片盃青年組冠軍作品」：「此片段使用高超的拍攝及剪接技術，加上有趣生動的特效和音效，完美表達『痛到往生』究竟有幾痛，生痱滋究竟有幾慘，真是難得一見的佳作。」真係睇到一眾「爵屎（Edan粉絲名）」心花怒放，未有被男神醜態嚇親之餘，仲大讚佢貼地做自己。