丁子朗郭柏妍否認戀情　堅稱實屬好朋友

無綫小生丁子朗與上位小花郭柏妍秘撻傳得熱烘烘，繼日前二人齊齊出席前港姐鄺美璇婚禮，「情侶檔」孖住做司儀後，於節目《東張西望》中，更上演一幕胸貼胸夾腿玩sit up，網民看後大讚二人好襯。

現時二人正為無綫新劇《奪命提示》拍攝中，劇中他們同樣以情侶組合上陣，已被外間視為一對「小戀人」的他們接受東網獨家訪問時雖然否認戀情，但卻甚同聲同氣，丁子朗謂：「可能最近成日見到我哋一齊拍劇、做宣傳，又咁啱有共同朋友婚禮，所以容易被人誤會，麻煩到大家唔好意思！不過見到個緋聞名單，都覺得有啲詫異，就連我『外母』吳若希都係其中一個，所以都係假㗎啦。」他又指現時不諗愛情，正值搏殺期以工作為先。至於女神郭柏妍亦向大家說不好意思，與子朗一樣有禮，她謂:「唔係呀！我哋係好朋友嚟！咁啱朋友婚禮一齊做MC啫！佢係一個好好嘅拍檔，依家暫時以工作為先。」