洪永城擺風水陣催運　教定囡囡𢭃利是：今年靠晒佢！

洪永城（Tony）與太太梁諾妍的囡囡Amber已經1歲，Tony日前接受東網訪問時笑言半年前已教囡囡𢭃利是：「今年靠晒佢啦，哈哈！之前疫情影響冇得拜年，好多親戚佢都未見過，新年終於可以見吓大家。」問到新年有甚麼傳統習俗？他坦言近年都有在家擺風水陣，問到是否有成效？他笑說：「唔錯呀！娶咗老婆、生咗個女，又有自己生意。」

談到他近來似乎着眼生意，較少在幕前出現，他笑言很多朋友都有此誤解：「其實只係做多咗幕後工作，因為覺得幕前比較被動，有諗過希望主動權喺自己手上，萬一將來人哋話唔簽你、生意又唔搵你，到時都唔知做啲咩，尤其有咗家庭，有咗危機感。」