梁凱晴獲師傅指點　出年有拖拍兼心廣體胖

前港姐梁凱晴新年期間為無綫主持節目《新春開運王》自然近水樓台，獲師傅們指點迷津，獲指她今年桃花旺兼有貴人相助，她說：「師傅話我今年會拍拖，叫我勤力啲認識吓唔同嘅人，話我人緣會好。」

不過，要有情人亦要先照顧好自己，師傅贈言她今年有機會心廣體胖，她說：「我已經準備好今年成年都會進入減肥狀態，唔會亂食嘢。新年都食少咗好多最鍾意嘅年糕同蘿蔔糕，加上拍緊劇都唔敢鬆懈。師傅仲話有貴人相助，希望貴人事業上幫到我啦。」