薛家燕帶《黃金》演員巡迴登台　麥美恩努力練十字步

藝人薛家燕、麥美恩、曹永廉等，今日（27日）在黃埔出席新城電台新春團拜。家燕指近年因疫情未能舉行團拜，再進行團拜感到很開心。講到她們主演的劇集《黃金萬両》收視好好？家燕說：「好開心，當時拍得好辛苦，天氣很熱，搞到我全身濕透晒，連底衫、胸圍都索晒水要換。」認真是水為財。

家燕姐剛由澳門登台返港，3月將帶隊與《黃金萬両》的演員巡迴登台，先到馬來西亞登，隨後再往內地，豬籠入水，阿廉說：「家燕幾年冇登台，今年追番晒啦。」麥美恩則指直努力練習十字步迎接登台。

問到家燕姐新年忙登台豈不是沒有時間陪家人？她說：「唔會，我帶埋啲仔女同埋個孫去，個孫聽到音樂仲跟住跳，估唔到歲半人仔咁有音樂感，係可造之材，遲啲可能有機會同孫仔一齊拍廣告。」