王鶴棣紓尊降貴服侍街客 驚變人體印鈔機

2023年01月28日 14:01
東網電視
更多新聞短片
內地男星王鶴棣憑新版《流星花園》及古裝劇《蒼蘭訣》急速上位,套套劇做男主角又吸近20項產品代言,依家已經躋身到頂流男神級數,人氣真係數一數二。依家農曆春節,佢就急急腳返四川樂山家族所開嘅炸串店打招呼,已多次返過舖頭幫手嘅佢,次次都係搞到人頭湧湧,今次更加唔例外,加上新年,成舖頭都畀粉絲包圍,尖叫聲嗌到對面街都聽到,佢仲要鬼咁識做去櫃台企收銀,即被封做「人體印鈔機」,因為太多粉絲要排隊入店被男神服侍,又得食又有靚仔睇,真係現身一次都夠平時全日嘅客流量,認真唔講得笑。