新歌MV 9日點擊近320萬　Ian行完山再通頂開工

MIRROR成員陳卓賢（Ian）最近推出新歌《再見寧靜海》，超強人氣令佢去到電台開咪都有300粉絲夾道歡呼，網上人氣更係驚人，新歌MV Upload僅9日，就已經有接近320萬點擊，人氣隨時再飆力爭隊中「上弦」首位。Ian爆紅並唔係冇原因，佢今次就晒出行山相，仲自爆行完山之後，佢就要通宵開工，後生仔精力充沛根本未驚過，搏命去享受工作同人生，雖然氹得粉絲好開心，不過佢哋都嗌男神要注意多休息，千祈唔好捱出病。