黃嘉雯親手為愛犬美容 鍾柔美帶阿大出巡威盡

2023年01月28日 16:23
東網電視
更多新聞短片
藝人黃嘉雯(Carmaney)與鍾柔美(Yumi)今日(28日)為J2節目《超級毛特兒大賽》進行面試,兩人分別帶同愛犬Doxy及茶茶現身,Carmaney透露愛犬兩歲時被她領養:「佢以前好驚人同狗,我養咗佢之後經常帶佢出門,依家佢完全唔驚人。(有冇諗過養多隻?)都有諗過,但養狗係要好多時間同心機,花費又多,病咗又要帶佢睇醫生,所以專心養好一隻。」她稱曾學過寵物美容,故會親自為愛犬剪毛及沖涼,絕不假手於人。
至於Yumi家中養有七隻狗狗:「佢係最乖,佢唔驚人,好鍾意黐人又嗲,所以帶佢過來,佢可以同人交際吓。(社交方面你同佢邊個叻啲?)梗係佢叻啲。」她稱茶茶是她養的第一隻狗,第二、三隻狗是親戚所送,後來又生了四隻狗BB:「本來我已經諗好晒將啲狗BB送畀邊個朋友,我係負責接生,我又睇住佢哋大,所以我好唔捨得,最後無畀人。(你要湊咁多隻狗好忙?)都係,但好在有工人姐姐同家人一齊幫手湊,我盡量有時間會陪狗狗玩。(茶茶會唔會爭寵?)佢係大佬,其他會驚佢。」