半百粉絲送機！Anson Lo孖Jeremy重裝上陣赴日開工

人氣組合MIRROR成員Anson Lo（盧瀚霆）及Jeremy（李駿傑）向來老友，繼去年10月佢哋孖住到韓國及日本旅遊後，呢日佢哋再次結伴同行，飛到日本東京工作。今早Anson Lo率先於在保母車上打卡，車廂內有大量行李，直至早上8時15分，佢與Jeremy喺花姐及工作人員陪同下現身機場，現場有半百粉絲守候送機，場面墟冚。見Anson Lo着住黑色皮褸並戴上頸巾，Jeremy則以一身樽領冷衫加大褸上陣，「重裝備」迎接日本嚴寒。臨入閘前，有粉絲向Anson Lo送上禮物，佢即禮貌接上，又企定定讓「神徒」拍照兼揮手道別，非常親民。