爸爸吳大強登紅館　吳偉豪勁羨慕恨唱四面台

無綫上位小生吳偉豪的爸爸吳大強（Bill），是《中年好聲音》的大熱，前晚（27日）他隨《中年好聲音》18強一同獲邀上紅館演唱，Bill穿西裝十分有型，吳偉豪因工作在身，未能捧爸爸場，知道爸爸非常享受上台，他說：「我收工返屋企同佢傾偈，爸爸話好玩好開心，我都戥佢開心。」他稱自己都試過感受過紅館三面台兩次，都是胡楓邀請做嘉賓，笑言也希望可以一嘗四面台氣氛：「爸爸話四面台感覺超正，佢真係超開心，希望佢盡情玩，二哥拍咗條片我睇，佢好似唔捨得落台，係最後一個走。」Bill哥對唱歌熱情，由後生開始，曾報名參加無綫第一期訓練班，之後他自資出碟，後生時的他十分大隻，有點苗僑偉的影子。