陳瀅變身「滑雪女神」　去餐廳秘會呢個人...

無綫人氣花旦陳瀅（Jeannie）最近飛咗加拿大同屋企人過節，日前佢就喺社交網分享靚相，見佢一到步就去咗滑雪，仲拍片同大晒超班嘅技術，成功變身「滑雪女神」。而一向鍾意影相嘅佢，當然唔會放過喺冰天雪地打卡嘅機會，見佢笑晒口，擺晒Pose，心情靚爆。之後仲同一樣喺加拿大嘅好姊妹何雁詩見面，佢哋去咗間餐廳歎靚酒、食好西，Chill到爆。Jeannie更搞笑喺貼文寫到：「現在身體疼痛，但減輕了兩磅。」而網民見相後亦紛紛留言：「好靚女」、「笑容好甜」、「好好享受假期」、「原來你滑雪咁叻」。