楊洋泰國歎九大簋　玩到嗌攰令人羨慕！

內地男神楊洋最近趁住農曆新年假期，與家人去咗泰國旅遊，連日嚟佢都有喺社交網同粉絲報告近況，佢日前就大晒咗幾張着住黑色T恤，戴上啡色棒球帽嘅自拍照，佢開心晒V陽光味甚濃，又同網友分享佢嘅晚餐，睇到就好似食「九大簋」一樣，成枱都係餸，仲有隻龍蝦添，令到網友睇晒流口水，好想食埋一份呀！而佢仲有晒去咗游水嘅相，不過佢就冇影自己正面照，只係影住自己雙腳，留言話：「真累啊 ​​！」令到網友都好羨慕佢有得去玩，仲問佢：「為甚麼不帶我去玩呀！」