何雁詩飛加國有特別任務　咩事等咗3年終於圓夢？

藝人何雁詩近日去到加拿大溫哥華，除咗與同樣身在當地嘅好姊妹陳瀅「蜜會」外，原來此行仲另有目的，就係跟老公鄭俊弘（Fred）回家鄉，同時帶囝囝Asher見親朋威友，Fred於社交網上載兩公婆齊齊跪地斟茶畀婆婆飲嘅畫面，感慨終於可以送上呢杯等咗3年嘅孫新抱茶：「我哋終於可以斟呢杯茶畀婆婆啦，今次返到溫哥華可以同屋企人食餐飯聚下，真係感覺好溫暖好幸福，仲可以介紹新成員畀大家。」

另外，何雁詩則晒出與爸爸媽媽、老公囝囝齊齊登山嘅靚相，見佢哋喺雪地下大影全家福，相當難得，佢又留言表示今次係Asher首次旅行，雖然湊住BB旅行好辛苦，但見大家玩得咁開心，咩都抵番晒。