吳若希受邀飛美國開騷　一講生仔即落閘：專心工作！

藝人吳若希（Jinny）今晚（30日）偕老公出席電影首映特別場，順道慶祝老公37歲生日。她稱老公一直好想睇戲，終於在生日實現願望，笑言無須再特別安排生日節目，二來是免費不用花錢，兼見識世面，一舉多得。她表示年三十至年初二返福建探親，近日老爺和奶奶從澳門來港團聚探孫兒，十分熱鬧。

Jinny透露初三她到澳門工作，久違了離港開工，認為是一個好開始：「3年無去澳門，感覺好奇妙，好似所有嘢都變咗，好彩氣氛仲喺度。」她又自爆收到邀請將往美國洛杉磯開騷，暫未知舉行幾多場，但之後會到內地巡演。而她有份參演的劇集將會陸續播出，認為今年是她的工作好年，笑稱師傅批她今年會發達，問到生仔計劃，她立即落閘話：「千祈唔好，要專心工作！（暫時唔生住？）呢一世都唔生，我追唔上多產潮流。」