黃紫恩初「出Pool」麻煩又黏身:想車自己一巴!

2023年01月31日 20:01
東網電視
更多新聞短片
由藝人黃紫恩(Jojo)及吳兆麟(Alan)等主持的無綫J2節目《不正常愛情研究所》,最近一集主題為「A0的內心世界」,請來《CP訓練營》學員「A0」(即從未拍過過拖)的阿Yeung(蔡浩洋)擔任嘉賓。從未拍過拖的他,自爆當初參加《CP》的原因時笑說:「初時講係訓練螢幕情侶,同埋聽聞啲女參賽者好高質。」兩個月拍攝過程中,阿Yeung直認對女學員伍倩彤(Gillian)有好感:「佢開頭好惡,但唔知點解黐住佢好有安全感,返到屋企瞓覺都會諗住佢。有場同佢Kiss嘅戲,我興奮到係床跳,之後仲有Keep contact。」雖然未有拖拍,但阿Yeung十分享受獨自旅行,更試過「一個人去主題樂園」,又自爆曾想試搵男伴!
另外,身為主持的Jojo講到當初「出Pool」,經常要男友照顧,事無大少都愛黏着對方:「車又唔識搭、路又唔識行、嘢又唔識買、餐廳又唔識Book,乜嘢都要人湊住。我A0嘅時候麻煩到,見到都想車自己一巴!」