梁愷庭參加《中年好聲音》上紅館　感覺好夢幻

歌手梁愷庭因為參加無綫唱歌節目《中年好聲音》，有機會首次踏上香港歌手夢寐以求的紅館舞台，認為節目帶給她的體驗比名次更重要：「喺香港比賽，名次都唔係最重要，因為大家都係香港人，冇分彼此，不過得到嘅一定多過失去。」

雖然當晚只是表演嘉賓身份，並非個唱的主角，但事前工夫做到足：「準備演唱會服裝係最頭痛嘅一個環節，因為今次演唱會邀咗《中年好聲音》10幾位參賽者一齊表演，能夠畀親友、粉絲認到我，我選擇咗最奪目嘅橙色。」

至於選歌方面，她共獻唱了4首歌，其中最愛是《光輝歲月》:「因為好適合我哋班《中年好聲音》咁多位參賽者去唱，真係唱出咗我哋嘅心聲，唱嘅時間好大感觸。」她又說當向紅館山頂位的觀眾問好時，感覺好夢幻：「當佢哋講：『你哋好呀』，啲紅館燈海真係好感憾，呢20年嘅夢想都一一實現咗啦。」談及《中》節目收視好，獲香港或海外華人觀眾支持，令她更有信心繼續走歌手路：「希望不久將來，我哋都可以有自己嘅演唱會。」