陳凱琳豪宅全面睇　巨型飯廳大得誇張

前港姐冠軍陳凱琳（Grace）同老公鄭嘉穎早前招呼親朋戚友到家中拜年，除咗龔嘉欣疑令男友曝光成焦點外，網民亦對Grace豪宅家中嘅巨型飯廳充滿好奇，見其家中容納大人細路共十數人都綽綽有餘，而飯廳中間放有圓形木餐桌，目測坐到12人，同時飯廳旁仲有位置放下細仔嘅BB床，兼到高至天花嘅玻璃櫃，而另一邊客廳則有按摩椅及L形長梳化，並設有小朋友嘅玩樂區，地面鋪上七彩軟墊，加埋一條兒童滑梯，空間感十足。