練美娟變TB力追宣萱 自爆曾被同性追求

2023年02月01日 20:04
東網電視
更多新聞短片
練美娟於ViuTV新劇首度與宣萱合作,視宣萱為偶像的她,飾演追求宣萱的TB密友,令她既興奮又緊張。她自認是黐身女友,與幕後男友感情甜蜜,唯一美中不足,呻男友欠她一個追求過程。
人稱娟姐的練美娟,早前一改八婆仔戲路,在新劇《極度俏郎君》中演TB,與姜皓文拗手瓜追求宣萱:「無諗過同宣萱合作,我真係細細個睇佢啲劇大,好鍾意佢,我最鍾意三大女藝人,就係佢、張可頤和陳慧珊。」她說第一日開工十分緊張,讚宣萱友善又貼地,合作後更愛她。娟姐今次要表現剛強硬淨一面,可能太過入戲,身邊朋友都察覺她變得剛強,不過她笑言一拍完便會變回溫柔女人,由於身邊有不少同性戀朋友,成為現實教材,可有被同性追求過?她說:「有,讀書時,我好斬釘截鐵拒絕,最後佢都疏遠咗我。」
去年她有4部劇播出,包括《反起跑聯盟》、《季前賽》、《繩角》和《百萬同居計劃》,笑言目標想做「ViuTV岑珈其」做女劇霸,亦自誇外形容易配襯主角,相信同公司女藝人,又不介意演醜角的選擇不多。娟姐公開承認有拍拖,男友任職幕後,志趣相投,近日她與陳柏宇主持綜藝節目《婚前試行為》,正好機會讓她學做理想女友,她讚男友細心、整齊,因工作而認識,問到追娟姐是否好難?她說:「餵我食好嘢就得,但佢無追我,我哋識咗好耐,冇諗過發展,再遇番自然喺一齊。」直言無論任何一個女仔,冇被追求都會感到不開心:「希望佢畀番追我過程,冇遺憾。」
化妝:Judy Cheung
髮型:Denny Mok