周柏豪帶女兒到主題公園睇大熊貓　網友大讚Sweet

暖男爸爸周柏豪日前在社交網晒同囡囡芯悅玩樂照，因為使用其中一個平台用簡體字，惹來較激進的網民抨擊，但柏豪近年EQ已變高，也不再理會，就只隨自己心意而行，日前他再帶愛女到主題公園，有關方面安排父女兩人去睇大熊貓，兩人齊齊穿上熊貓圍裙，他捉住囡囡隻手餵熊貓食嘢，兩人又細心聆聽工作人員講解照料熊貓的日常，他寫道：「好好教育，好好保護，珍惜我們的大自然。」

期間見到芯芯似向爸爸撒嬌，將手仔摸住爸爸俊臉，網友都話太sweet，難怪大家都話女兒是爸爸的前世情人，見到柏豪成個冧樣笑晒就知。