張振朗中奪命頭獎即拜神　縫靚傷口堅持唔整容

張振朗早前拍攝無綫新劇《奪命提示》時被坐地燈撞爆眉角要縫7針。他為劇集在將軍澳電視城拜神時，監製笑言幾乎要改劇名「奪命頭獎」，「地獄黑仔王」振朗指笑言傷勢還好：「今年犯太歲，應咗之後就會好順利。」

振朗眉角貼上膠布，他指傷勢已經沒有大礙，自嘲經歷一向很多。問到是否開劇前沒有拜神，他說：「有拜神，仲攝咗太歲，受傷之後都有去再去拜神，當應咗，每次受傷完之後嗰年都會好旺。要正能量去睇，其實差少少就中眼，所以已經好好彩。」

講到樂易玲請來整容醫生為他縫針縫靚傷口，笑問他可有趁機執一執？他說：「冇呀，淨係縫針，唔會做啲旁門左道嘢，純天然。」講到女友楊偲詠談到他的受傷時相當淡定，他笑說：「因為佢知道我係一個真男人。」