Anson Lo與Jeremy日本返港　做足保密功夫仍有過百粉絲接機

MIRROR成員Anson Lo（盧瀚霆）與Jeremy (李駿傑）日前（29日）飛到日本工作，短短5日嘅旅程轉眼結束，今晚2人坐夜機返港，吸引過百粉絲到場接機。約晚上8時10分，2人從韓星來港常用嘅機場特別通道步出，見佢哋一黑一白，大玩黑白配襯到絕，期間Jeremy先快行向粉絲揮手，並接過禮物及信件，Anson Lo隨後步出急急上車，但上到車後都有禮貌同粉絲打招呼。

有別上次日本返港粉絲逼爆機場，今次機場保安早有安排，將粉絲分開兩邊，每邊限定50人，並設有圍欄，而Anson Lo及Jeremy亦未有像上次於社交網洩漏行蹤，保密功夫做到足。