疑與柯震東放閃 峮峮「賞櫻牽手照」曝光

2023年02月04日 00:01
東網電視
更多新聞短片
台灣啦啦隊女神峮峮舊年被影到同柯震東以及友人Double dating,因而傳出緋聞。早前又被網友發現二人家中出現同款擺設,不過雙方都急急腳否認戀情。而昨日(2日)峮峮就喺社交網分享去陽明山賞櫻嘅靚相,見佢企喺櫻花樹下,對住鏡頭回眸一笑,成功電暈唔少粉絲。
而其中一張相係2個人手拖手嘅影子相,場面甜蜜溫馨。峮峮更喺貼文寫到:「最近的重要日子總是大晴天,有點小幸運嘿嘿。」而網民見相後,都紛紛猜測佢同緋聞男友柯震東疑似好事近。不過有眼利網民就發現峮峮有標記身旁嘅影子,原來係其女友人。之後粉絲亦留言:「有女神的天氣都是好天氣」、「羨慕牽手那位」、「好美好可愛」、「陽光少女」。