「食人癖」男星Armie訪問自爆年少因被牧師性虐而成癮

曾主演過《獨行俠》（Lone Ranger）以及《以你的名字呼喚我》（Call Me By Your Name）等片的美國男星Armie Hammer，2021年因連番性侵、性騷擾及食人癖指控而被荷里活全面封殺，他被迫轉行做度假屋推銷員。沉默兩年的他近日破天荒接受訪問回應指控之餘亦自爆年少時遭性虐待而成魔！

他於訪問中自爆自己13歲時曾被一名年輕牧師性虐待，從那刻開始他對「性虐待」產生興趣。他直言此事對他產生了極大影響：「我係喺無助嘅情況下被迫了解性行為，這令我嘅興趣發生咗變化，我開始渴望喺呢種關係中掌握控制權。」而他亦承認自己對之前的伴侶施以情感上的虐待，批評自己是一個好自私、不顧及別人感受亦不願意承擔責任的人，完全是一個混蛋。雖然承認犯錯，不過他點名提及其中兩名指控他的女性Courtney Vucekovich和Paige Lorenze，他自爆先後與2人拍過拖。他認為她們對他的指控不公平：「當時我30幾歲，係一個成功嘅演員，而佢哋只係20幾歲，好年輕。佢哋好高興同我一齊，並願意為我而接受一啲之前不願意嘅嘢。」

而Armie在訪問中亦有透露被連串性指控後曾有自殺的念頭，他說：「我有考慮過就咁行出大海，盡我能力游咁遠得咁遠，希望我浸死、被艇撞又或係被鯊魚咬死。」但最終因為察覺子女仍在岸上，他不能夠這樣對待他們才打消念頭。他與前妻Elizabeth Chambers育有一子一女。

Armie在訪問中亦確認如傳聞中得到影星好友羅拔唐尼（Robert Downey Jr.）提供經濟及住屋援助。他說：「周圍都可以舉到幫過我嘅例子，羅拔就係其中一人，佢哋都係過來人，最終找到新道路而得到救贖。我覺得呢個取消文化有不足之處就係任何人每當做錯事情嘅一刻開始就會即時被放棄。完全冇任何改過嘅機會。當佢哋我入火入面...佢哋只會令火勢愈來愈大。而嗰團火目前已失控，將會燒到所有人。」他透露自己目前已改過自新，正協助一名剛離開戒毒所的戒毒人士：「我打算搬去佢屋企，為佢安排一個健康嘅療程，帶佢去健身，我曾經係需要其他人陪伴同幫助嘅人，好高興依家自己可以幫助別人。」而曾與他在《以》片合作過的監製Howard Roseman亦在訪問中稱所有對Armie的指控都屬廢話，他絕對值得被給予第2次機會。