姚焯菲開Live談校園生活　大爆新同學都知佢係歌手

「聲夢小花」姚焯菲（Chantel）正於新西蘭留學，昨日（4日）佢於社交網開Live同粉絲傾偈，片中佢素顏上陣，夠晒清純，佢提到新校園生活，指認識咗唔少新朋友：「我想講所有朋友、同學都好nice，同埋佢哋都好搞笑，同埋玩得埋，所以就好開心，同埋我哋都一齊玩game。」

佢又向粉絲解釋留學計劃，指只需留學2年：「我依家係Year 12，之後再Year 13，跟住就畢業。」有網友問到新同學知唔知佢喺香港做歌手，佢就表示：「有啲係知嘅，但係佢哋都好尊重我，所以都係大家當大家係（普通）人，朋友，冇特別對我特別好。」