何沛珈正式坐主播位 事前做定準備功夫

2023年02月06日 09:21
東網電視
更多新聞短片
《東張西望》主持何沛珈(Roxanne)上周正式坐主播位做主持,做直播節目表示緊張,稱早兩星期前獲通知後,事前做定準備功夫,包括讀報希望咬字清晰,又着朋友提醒有冇懶音,開廠前幾天,她多次到錄影廠觀看拍攝程序,直至做直播前,導演在綵排後的空檔,讓她試講一次。問可有蝦碌?她說:「梗係蝦碌,我太緊張,原本我接Toby(陳庭欣)之後講,但我就講錯咗Toby嘅對白,dead air咗幾秒,好彩正式直播時無發生。」她感謝同事有給她提點,袋錢入她袋,「容羡媛提我要準備多幾句對白,如果時間有剩,可以拋出一兩句;Toby教我可以試吓用自己方式講對白;有Heidi(朱凱婷)喺度,我個心已經定一半。」
加入東張不經不覺兩年,她說曾有人問她喜歡主播還是出外採訪,初時覺得出外採訪感覺貼地,又增廣見識,跟現在做主播是另一回事,「出去採訪可以重拍,主播講錯嘢,核突就係自己,所以對我嚟講係全新挑戰,我鍾意試新嘢,新一年新挑戰,幾開心,亦印證咗我喺台慶話,不求別人對我一見鍾情,但求別人對我日久生情。」