「浪姐」于文文豪邁腿張開　連環走光焗住打格

內地歌手于文文憑真人騷《乘風破浪》人氣急升，近日佢孖住鄭秀妍（Jessica）、張天愛等一眾「浪姐」亮相衍生節目《樂隊的海邊》，由於曾在加拿大留學嘅于文文鬼妹仔性格，即使着住短褲，坐姿及躺姿都依然非常豪邁，喺節目中經常腿張䦒，導致頻頻走光，令節目組只好全程喺其下體位置打格，以防佢洩春光，畫面甚為尷尬。其實于文文已唔係第一次有類似情況，有集眾人出海跳水，于文文着上超短熱褲，加上濕水後短褲變形，令其打底褲露出，但奔放嘅佢完全未有理會，繼續大動作跳水，但亦因為直率性格，獲得網民喜愛。