姚焯菲公開新西蘭閨房　突然「增高」秒變9頭身

「聲夢小花」姚焯菲（Chantel）正於新西蘭留學，連日來佢頻頻於社交網分享校園生活，呢日佢仲首度拍Vlog，透露去新西蘭前計劃咗10個目標，希望可以逐一完成。Chantel早前表示已識到新朋友，原來全靠化身「送禮勤」，一早預備好仙人掌做見面禮，仲有埋親手寫嘅心意卡，咁Sweet難怪火速融入新圈子啦。之後佢又公開新西蘭閨房，由零開始一手一腳布置裝飾，當中不忘擺放同一班「聲夢」好友嘅大合照，非常有心思。

另外，佢又PO出多張新相，其中一張相低抄角度拍攝，令佢突然「增高」，秒變9頭身，加埋佢Chok爆擺甫士，十足名模一樣，好有氣勢。