黃曉明1個舉動洩蜜　與Baby復合傳聞愈炒愈熱

內地男星黃曉明與Angelababy（楊穎）前年宣布離婚後，生活各自各精彩，曉明早前仲傳同網紅葉珂撻着添，不過最近又傳出佢同Baby「世紀復合」，令到一眾網民都感到好驚訝！

事緣，曉明過年返山東老家度歲，喺社交網大晒與家人嘅合照，着住紅色冷衫嘅佢，被網民發現同Baby所着嘅冷衫係情侶款，曉明晒出其中1張照片，佢將頭挨向嫲嫲肩膀上，佢無名指戴着相當搶眼嘅鑽戒，疑似就係佢同Baby嘅結婚戒指，因而令佢哋復合嘅傳聞愈吹愈烈呀！