黃翠如外貌成小學作業教材　蕭正楠按指示畫成咁！

藝人黃翠如同老公蕭正楠出名恩愛，昨日（5日）元宵節，佢哋兩公婆就玩另類放閃！翠如喺社交網上載對話截圖：「親人說在小學作業見到我的名字，有點小感動。今年是入行第二十年，感恩每一份愛，每每都給我力量。謝謝你們眼中的每一個我。」

圖中功課中描寫黃翠如外貌，蕭正楠按指示繪畫太太個樣，不過畫出嚟個樣就同翠如有啲唔同，佢仲大膽話：「以我所知佢個鼻比較大。」而畫出嚟個效果亦相當搞笑，不過網民都畀佢哋嘅隔空互動閃盲呀！