丁子朗五官愈見立體　被傳整容惹熱論

無綫小生丁子朗近年被受力棒，2022年獲得「飛躍進步男藝員」後，不久就躍升男一，深受觀眾愛戴。而勤於更新社交網嘅佢，不時都會分享自己嘅有型靚仔相，向粉絲派福利。

不過最近有網民喺討論區出Post，以「丁子朗整容」為題，貼出多張丁子朗入行初期參選港男嘅照片，同佢現時嘅近照做對比，更稱丁子朗6年間五官愈嚟愈立體，鼻樑明顯筆挺，猜測佢疑似整容。不過亦有網民就覺得因為丁子朗現時識得打扮化妝，所以外表睇落靚仔咗，加上佢擁有1米8嘅身高，相信佢嘅前途無可限量。