炎明熹首嘗冰糖葫蘆食剩1粒　背後原因惹爆笑！

「樂壇小天后」炎明熹（Gigi）最近趁喺內地工作嘅空餘時間，與家人團聚，不時喺社交網分享生活點滴，佢尋日（6日）就大晒去遊覽景點嘅照片，留言：「第一次去鼓樓！」相中佢手執2串冰糖葫蘆，食到津津有味，加上瞪大雙眼展現情深款款嘅為食樣賣萌，夠晒可愛，佢留言：「都說冰糖葫蘆兒酸，酸裏面裹着甜！」

有網友就留意到佢最後食剩1粒，係咪打算帶返香港先食？佢發揮搞笑本色回應話：「餵給樹！」有網友就問佢有冇咬崩牙？佢就話：「有張相影到好似崩牙咁！」一連串嘅爆笑回應，氹到網友們非常開心呀！