「星女郎」林允青春留影　竟因一句話意外惹眾怒

「星女郎」林允向來活躍社交網，不時都會分享生活點滴，日前佢一連PO出多段影片，其中一段佢相約友人去到郊外，大玩小型煙火，見佢手持多束仙女棒，不停揮動，現場煙火四散，加埋林允嘅仙氣靚樣，畫面相當唯美。之後，佢又去到海邊影靚相，着上黑色吊帶裙嘅佢，吹住海風，秀髮隨風飄逸，非常寫意，佢仲有感而發，留言表示：「青春傷痛一下。」獲網民大讚充滿青春活力，十足拍緊偶像劇一樣，好唔真實。

不過佢另一段影片卻意外引起眾怒，雖然影片只係一般嘅生活瑣碎片段，配上旁白講述其心聲，但就因為一句「雖然我不是特別漂亮」引起網民關注，直指佢太過分：「你過分了啊，你再說你覺得自己不是特別漂亮，我就生氣了」、「這不叫漂亮那甚麽叫漂亮」、「姐姐你別太荒謬，你可是有顏人中呢」，曲線讚佢靚。