周星馳召喚最後一批有緣人　高海寧望獲加持

周星馳（星爺）於新春大年初二時拍片即席寫揮春，更預告會贈送有緣人「心想事成符」，助對方願望成真，POST一出即引來不少圈中人留言，爭相想做有緣人。

前日，星爺再出POST，相中的他繼續寫「心想事成」揮春，更留言：「感謝各位有緣人給我機會練字，承蒙錯愛，最後一批。」最後一批希望成為有緣人的即時出動，當中包括高海寧、張振朗的女友楊偲泳、傅嘉莉及王大陸的女友蔡卓宜等靚女，高海寧留言：「今年小女子搵唔搵到有緣人，就要睇有無你嘅加持啦！多謝星爺。」而楊偲泳則表示：「我好想為成為你嘅有緣人，更加想有一日可以真係成為包龍星身邊嘅豹子彈，所以我想貪心啲...我要晒！」

至於獲星爺親自回覆的有蔡卓宜及傅嘉莉，傅嘉莉之前留言：「我明天英國寶石鑑證文憑大考，急需要星爺心想事成，考唔考得成靠你啦！」星爺回覆她謂：「考成請食飯，考唔成唔關我事！」至於蔡卓宜則沒有太大想頭，她只留言：「天啊！新年快樂，無緣沒關係，喜歡你！」點知星爺竟回答她：「我與王（王大陸）你更喜歡誰？」相當搞笑呢！而高海寧最終亦獲得星爺回覆：「仲搵？有緣人咪我囉。」