《流浪地球2》票房破40億　劉德華：好鼓舞！

藝人劉德華今日（9日）出席電影《流浪地球2》香港首映，吸引逾百粉絲到場。華仔於台上表示與該片導演認識多時，故當看過劇本後，認為題材夠新鮮，及後順理成章參與其中，如今看見內地票房達35億人民幣（約40億港元）大感高興：「真係好鼓舞，相信電影之後會更加蓬勃。」飾演科學家的他，片中還有一名女兒，他透露劇組於拍攝前一個月安排二人相處，好讓拍攝時更順利，更指片尾有伏線，預告將於新一集出現。

華仔接受傳媒訪問時，被問到對香港票房信心？他表示：「希望大家鍾意，慶祝活動未有，因為呢排都係做緊宣傳，等完成晒睇有冇時間聚一聚。（拍內地科幻片有咩感覺？）我哋暫時都係得《明日戰記》、《流浪地球2》，但睇到有好大進步，希望拍多啲，依家係學習階段。（幾時開第3集？）未收到通知。」更指今次拍科幻片有新體驗：「好似方法同設備，係我40幾年拍戲以嚟感覺最新鮮，所以入面每場戲都好記得，不過演科學家都有難度，因為要花好長時間記啲科學名字。(會唔會帶個女入場？）佢鍾意嘅都會安排。」