艾粒騷︱余迪偉控訴遭歧視性取向　當奴阿占：對不起

DJ余迪偉今日（10日）忽然晒出尋晚（9日）開騷嘅組合艾粒開騷嘅舞台相，見大電視上面顯示出一張余迪偉嘅相，旁邊寫上「迪偉同你浸溫泉」字句，似乎係艾粒今次開騷嘅環節之一，不過就出晒事，皆因余迪偉就出Post聲討，指控艾粒長年歧視其性取向及職場欺凌：「Enough is enough! 你哋都玩咗咁多年啦，我都冇出聲咁多年啦，你哋都有頭有面有地位，仲玩？呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！」並親自Tag少爺占及當奴，似乎想要公審二人。

直到中午，艾粒成員當奴和阿占分別透過交平台向余迪偉致歉，表示：「就日前艾粒騷以過去環節文化節拍重溫一事而闖出的禍，令當事人迪偉先生受到冒犯，我們鄭重地衷心向迪偉先生道歉。感謝迪偉大人有大量，得知你已接受道歉，我們萬分感激。我們會更改餘下場次節目內容，並承諾以此為鑒，日後會更加小心顧及所有人感受。我知道錯了，對不起。」