張栢芝家姐移居加國做地產經紀　保養得宜氣質唔輸細妹

女星張栢芝貴為影后，喺初出道時憑住清純氣質而大受歡迎，佢嘅2個弟弟張豪龍、張栢文亦曾先後入行，但發展未如理想，原來栢芝仲有位同母異父嘅家姐戴碧芝，據知戴碧芝早已移民加拿大，日前佢現身溫哥華出席一個開幕活動，同場有前華姐冠軍鄧佩儀、資深演員高雄等，場面熱鬧！身穿喱士連身裙嘅戴碧芝皮膚黝黑，保養得宜，喺人群中非常搶眼，氣質一啲都唔輸栢芝呀！

喺香港土生土長嘅戴碧芝於2011年移民加拿大，之後獲得房地產執照，成為地產經紀，現時已從事地產行業逾10年，更不時會出席活動及參與話劇演出，獲網友讚人美心善添！