「周杰倫」爆肌挑戰體能之巔　撞樣相似度達99.9％！

台灣天王周杰倫身形時肥時瘦，經常成為網民討論對象，近日有網友意外發現「周杰倫」變得一身爆肌，參加韓國體能競賽真人騷《體能之巔：百人大挑戰》，即時引起網民熱議！不過睇真啲，呢個參賽者原來唔係周杰倫本人，只係同周杰倫撞樣，同樣有雙瞇瞇眼，長相有99.9％相似度，驟眼睇隨時認錯人呀，網友笑稱：「昆凌看了都傻眼吧？」、「真的好像胖版周杰倫」。

呢個激似周杰倫嘅參賽者其實係34歲嘅南庚璡，係一名摔角選手，曾代表韓國參加2014年、2018年亞運會，並奪得男子125公斤組銅牌，亦喺2020年嘅亞洲摔角錦標賽中獲得銅牌，實力不容置疑。