「蕾神之錘」再現！李靚蕾暗寸王力宏：摘下面具做人很難嗎？

台灣天王王力宏與李靚蕾離婚官司擾攘多時，至今仍未有判決，王力宏已重新出發，出新歌同開演唱會，而成為咗單親媽媽嘅李靚蕾，就主力專心湊3個仔女，經過一後時間嘅沉寂之後，最近重新活躍社交網，不時同大家分享近況，佢今日（13日）「蕾神之錘」再現，留言：「一直都有看喔，不要再消費孩子了#摘下面具做人很難嗎？」雖然佢未有指名道姓，不過網民估佢係向前夫王力宏發聲，希望對方唔好再消費3個仔女，睇嚟係因最近王力宏喺新歌《想見就能相見》，寫出對家人嘅思念之情，而令蕾神有感而發啦！

為王力宏搞演唱會嘅知名經理人邱黎寬發文疑似回應李靚蕾：「一直？真的？有看不等於想見就能相見，不要拿小孩當人質，因為隱藏的事沒有不被顯露出來的。」