甄子丹神還原「天馬流星拳」　20秒狂揮30重拳手速驚人

「宇宙最強」甄子丹功夫了得，最令人印象深刻嘅當然係招牌連環無影腳，但其實佢嘅拳法一樣出色，絕不比飛毛腿輸蝕！呢日佢就拍片練拳，雖然佢表示已經好耐冇「出手」，但見佢打沙包時，不但拳拳到肉，而且出拳快狠準，瘋狂左右勾拳，短短20秒連環打足近30拳，幾乎平均約0.6秒就出一次拳，拍得住經典動畫《聖鬥士星矢》主角星矢嘅絕招「天馬流星拳」，認真犀利，佢仲自嘲以自己嘅年紀，能夠保持呢個速度都唔算太慢，真係寶刀未老。