33C彭慧中泰國大解放　5套泳衣傾巢而出拍節目

藝人彭慧中有份主持節目《吃貨橫掃曼谷》。她透露前往當地17日，拍攝過程相當愉快，自己帶同5套泳衣備用：「喺嗰邊日日食。（肥咗返嚟？）因為要著泳衣，出發前後都有忍口，反而返到嚟先肥，因為知道唔使拍節目嘞，所以放縱啲。」

她指未知是否太盡興關係，竟然拍攝途中生病：「嗰日本來仲要去拍著名嘅牛肉麵，結果我郁得去囉。今次拍嘅嘢好廣泛，由掃街、Cafe拍到高級食肆，又有得去動物園睇動物，好難忘。」

談到動物園內與猩猩作近距離接觸，彭慧中笑說：「佢哋好好戲，聽指令就擺甫士，又出晒力咁錫我，錫到有聲嘅。（以前試過猩猩非禮女藝人。）我又冇喎，不過知道拍動物園，我哋只係簡單打扮，著T恤去唔會被扯到走光嘅。」