蔡依林登全泰國最高天空步道　腳踏透明玻璃嚇到腳震

台灣天后蔡依林（Jolin）上過大大小小嘅舞台演出，就算係半空嘅升降舞台都難佢唔到，不過呢日佢竟然被考起，仲嚇到腳震！其實佢近日與親朋好友去到泰國旅行，其中去到最潮打卡熱點曼谷大京都大廈，登上全泰國最高、78樓高嘅露天觀景台，更踏上玻璃天空步道，只係一塊透明玻璃之隔，就將整個曼谷踩在腳下，恍如凌空置身高空之中，真係心血少啲都行唔到。見Jolin一開始都心驚膽顫，每一步都小心翼翼，十足阿婆過馬路，相當搞笑，但佢慢慢開始適應，仲拉埋同行旅伴喺玻璃位置跳舞，認真大膽！