廉政狙擊︱王浩信打到飛起　赤膊上陣騷胸肌

黃宗澤、吳卓羲、王浩信主演的無綫新劇《廉政狙擊》香港昨晚（20日》首播。新劇與過往廉政題材劇集大不同，激鬥連場打到飛起。飾演O記探員的浩信首集動作場面多多，先有在爬出外牆棚架捉犯，與疑犯糾纏，連棚架也倒塌，最後成功拉人。浩信雖然近期被內地網民指發福，樣子變脹圓潤，但劇集拍攝時身材無疑弗到漏，劇中有幕他到桑拿浴室查案，在浴池赤裸上身大騷肌肉，浩信大晒胸肌，一身肌肉相當健碩結實。

受訪時，他透露該個剪出來只有約半分鐘的場口，但卻足足拍了一整天：「由朝頭早拍到夜晚收太陽之前，最難忘係我哋封咗成條街去做呢件事。（要喺狹窄空間拍追逐同打鬥戲好有難度？）真係有，但又覺得要畀驚喜觀眾就要向高難度挑戰，其實我幾鍾意拍動作戲，所以呢場戲拍得好開心。」