林志穎劉荷娜螢幕CP隔16年重逢　逆齡生長惹震驚

台灣「不老男神」林志穎上年7月發生嚴重車禍，經過一段時間治療之後，近月已回復狀態，準備好隨時復工。佢今日（21日）又有最新照片曝光，呢次佢同韓國女星劉荷娜相隔16年再度合體，勾起劇迷回憶殺，當年佢哋於電視劇《放羊的星星》合演螢幕CP成為經典，日前劉荷娜帶住兒子去台灣旅遊，佢本身於社交網透露唔會同林志穎見面，不過今日突然驚喜晒出合照，表示開心同林志穎及製作人陳玉珊同框，令粉絲非常興奮！

佢用中文留言：「相隔十六年終於見到的天騏，跟製作《放》偉大的玉珊姐，依然很帥氣。」照片中，3人擺出V手勢、笑容滿面，佢表示：「《放》是我人生中最棒的作品。」而網民好驚訝佢哋同個樣咁多年都冇咩點變，凍齡有術，令人羨慕！