Vanilla Ice自爆麥當娜曾向他求婚：我以為只會男人先咁做

美國流行樂壇女王麥當娜（Madonna）出名「多戀事」，而她亦「敢愛敢恨」。曾於90年代與娜姐拍過拖的美國過氣天王Vanilla Ice受訪時就自爆對方曾主動向他求婚，因而令他怕怕！

娜姐比Vanilla大9年，2人的戀情好短暫只拍拖8個月。他說：「當時嘅過程好快同太瘋狂。佢向我求婚，我就同佢講：『咩料呀？！我以為應該係男人先咁做（求婚）。你咁係咩意思？等陣先，咁樣實在係太快。』我（喺樂壇）剛剛起步，而我太後生（20歲頭）未準備成家立室住！呢單嘢我愈諗就愈覺得瘋狂！」

據知娜姐同Vanillia於90年代初結識，當年男方爆紅，她到紐約睇他開騷後結識。他憶述當時的情況：「我記得佢睇完騷後入嚟我更衣室同我打招呼，嘗試用誘惑眼神電我。但縱使當時我已覺得她太老不適合我，但我仍然作出錯誤決定同佢一齊。」由於他們都是樂壇大紅人，所以約會時都要扮嘢易容，務求沒有人認得出他們。