遇嚴重車禍　陳學冬晒恐怖短片揭劫後真相

憑《小時代》系列電影走紅嘅內地男星陳學冬，一直都係靠高大靚仔樣喺娛樂圈有一席位，可惜今日（24日）佢忽然晒出一條新片，稱自己最近原來出嚴重車禍，搞到佢失蹤咗一長時間：「失蹤很久是因為出了個車禍，打了很多釘子進去，現在一切安好。」片中佢晒出多張腿部受傷嚴重嘅相，仲見到佢連縫多針、打鋼釘嘅記錄，真係睇見都令人心痛，不過佢就搞笑表示慶幸臉部未受傷，親自解釋消失原因，又暖心囑託粉絲要注意安全，而佢啲粉絲都用另類方法安慰偶像，紛紛留言「活着就好」。