方力申演胡定欣繼子 公開陳年舊照力挺冇整過
2023年02月24日 20:01
東網電視
更多新聞短片
![](/hk/bkn/cnt/entertainment/20230224/photo/bkn-20230224200110567-0224_00862_001_01p.jpg?20230224200110)
藝人胡定欣連日來在其社交平台為主演的熱播劇《廉政狙擊》宣傳,劇中飾演屠敏的定欣登場,觀眾被屠老闆的氣場震住,大讚她演得夠霸氣,方力申也有客串演出,並飾演定欣的繼子,劇中兩母子不和,但現實生活中兩人卻是好友,小方在社交網上載同定欣合照,仲拎埋張陳年舊照出嚟對比,搞笑話:「大家都冇整過容,仲認到。」
小方並寫道:「大家最近有冇睇#廉政狙擊,入面,我呢個衰仔邦少同我同年出世嘅繼母不停鬥嘴鬧交呢?其實我同定欣早在16、17歲就已經認識,而我第一次入電視城做觀眾就係支持定欣參加『全球華人新秀歌唱大賽』,估唔到隔咗咁耐,我哋先有機會合作做戲,佢仲要做我阿媽,真係有冇攪錯(佢講but我心裏暗喜),記得我哋拍嘅第一場戲,我嘅第一句同佢講嘅對白係:『八婆!』老友呀老友,我永遠都會記得我哋第一次合作有幾咁愉快。」
定欣即刻留言:「真係冇無搞錯,16/17嘅時候嘅我哋,點會估到20幾年後我哋會合作拍劇,我仲做你後母,今天嘅小小方已經同以前好唔同,你真係有好大嘅改變,唔知下次嘅合作又會係點呢?最緊要係友誼永固。小方話自己冇變,仲係遊緊水:「改變係你,已經好似以前咁入場撐我喇!」定欣笑着指他以前唔講嘢,又答應他下次比賽一定去撐場。
不過最爆笑好友林盛斌加入戰團:「講,嗰陣有冇一齊過?有冇溝過佢?」小方誠實說:「冇。係我隊友對佢好有興趣,至於佢哋有冇嘢,你問佢。」定欣笑話:「你睇吓,你講'多咗'幾多嘢?」小方笑話:「但係我有口德!」他們的互動令網友笑爆咀。