谢东闵冇计划娶朱智贤：结唔结婚都只系1张纸！

艺人谢东闵今日（26日）现身活动跟《中年好声音》参赛者合唱，他寄望可以在音乐上多发展：“我会同吴业坤一齐开间音乐中心，未必系我哋教，会请老师教，可以有时间会客串吓分享自己经验。”他称会争取多唱剧集主题曲，又透露已录了一首新歌，但因忙拍剧未有时间派台。问到何时跟女友朱智贤拉埋天窗？他大耍太极说：“搵多啲钱先，搵到够为止，心入面有个数，但对我嚟讲结唔结婚都只系一张纸。（你问过女友未？）我唔敢问，你哋问。（有冇倾过结婚？）冇倾过。”

谷娅溦为活动担任表演嘉宾，她透露今次会献男人歌，非常热血：“我刚刚彩排时有少少问题，因为个Key好低，我要高8度咁唱，我未试过，对我嚟讲都系大挑战。”她透露下月会推出一首由她作曲的新歌，大家可以期待一下：“词就唔系我填，我之前试过填广东歌词，但监制话全部唔啱音，如果国语歌，我会自己作曲填词，但广东歌填词仲要学习吓。”

除了唱歌以外，她表示知道公司有意再开拍新一辑美食节目：“一切睇公司安排，我紧系想拍，因为可以食好多嘢，我系吃货，不过我食嘢冇节制，会食到呕，呕完再食。”她自爆之前吃得太多，胖了10磅，要靠松身衣服遮掩，问到身材有否变好？她无奈说：“冇，肥晒喺腰同大腿，不过瘦得好快，我下个月头就要拍MV，有信心喺5日内减7磅，只要我忍口唔食嘢就得。”